லேண்ட் லைனிலும் நமக்கு வேட்டு வைக்கிறார்கள்

ஏற்கனவே, மொபைல் சேவையில், உயர் அதிகாரிகளின் மெத்தனப் போக்கு, நிர்வாக முடிவுகளை  எடுப்பதில்  அநியாய தாமதம் ஆகிய பல காரணங்களால் உள்ளதிலேயே கடைசி இடத்துக்குத் தள்ளப்பட்டிருக்கிறோம். இப்போது லேண்ட் லைனுக்கும் ஆபத்து வந்து விட்டது. தினமும் ஆயிரக் கணக்கில் லேண்ட் லைன் சந்தாதாரர்களை இழந்து வரும் BSNLல் இன்னும் நீடித்து வரும் மற்ற சந்தாதாரர்களையும் தங்கள் பக்கம் இழுக்க தனியார் நிறுவனங்கள் செயல்படத் துவங்கியுள்ளன. அதில் ஒரு நடவடிக்கையாக, ஏர்டெல் நிறுவனம் , காதலர் தினத்தை முன்னிட்டு தனது வாடிக்கையாளர்கள் (Airtell fixed  line to Airtell fixed line) வரும் பிப்ரவரி 7, 14,21 ஆகிய மூன்று ஞாயிற்றுக் கிழமைகளில் பேசும் லோகல், எஸ் டீ டி அழைப்புகள் அனைத்தும் இலவசம் (எவ்வளவு நேரம் பேசினாலும்) என்று அறிவித்துள்ளது.