16/09/2019 அன்று நடைபெற்ற 8-வது உறுப்பினர் சரிபார்ப்பு தேர்தலில் தொழிற்சங்கங்கள்
பெற்ற வாக்குகள் 18/09/2019 அன்று எண்ணப்பட்டன.
அகில இந்திய அளவில் 48,127 வாக்குகளை (43.44%) பெற்று BSNLEU முதலிடத்தையும்,
39,132 வாக்குகளை (35.32%) பெற்று NFTE இரண்டாமிடத்தையும், 4,829 வாக்குகளை (4.36%)
பெற்று BTEU மூன்றாமிடத்தையும், 4,275 வாக்குகளை (3.86%) பெற்று FNTO நான்காமிடத்தையும்
பெற்றுள்ளன.
தமிழகத்தில் 3,838 வாக்குகளை (50.33%) பெற்று NFTE முதலிடத்தையும் 2,831 வாக்குகளை
(37.12%) பெற்று BSNLEU இரண்டாமிடத்தையும், 388 வாக்குகளை (5.09%) பெற்று FNTO மூன்றாமிடத்தையும்,
111 வாக்குகளை (1.46%) பெற்று BTEU நான்காமிடத்தையும்
பெற்றுள்ளன.
காரைக்குடியில் 171 வாக்குகளை (61.96%) பெற்று NFTE முதலிடத்தையும் 68 வாக்குகளை
(24.64%) பெற்று FNTO இரண்டாமிடத்தையும், 29 வாக்குகளை (10.51%) பெற்று BSNLEU மூன்றாமிடத்தையும்
பெற்றுள்ளன.
மதுரையில் 327 வாக்குகளை (39.25%) பெற்று NFTE முதலிடத்தையும் 325 வாக்குகளை (39.01%)
பெற்று BSNLEU இரண்டாமிடத்தையும், 98 வாக்குகளை (11.76%) பெற்று FNTO மூன்றாமிடத்தையும்
பெற்றுள்ளன.
கேரளா, ஜார்கண்ட், கொல்கத்தா தொலைபேசி ஆகிய மூன்று மாநிலங்களில் FNTO இரண்டாமிடத்தைப்
பெற்றுள்ளது குறிப்பிடத் தக்கதாகும்.
இதில் கவனிக்க வேண்டிய விஷயம் என்னவென்றால், அகில இந்திய அளவில் முதலிடமும், தமிழ்
மாநிலத்தில் இரண்டாவது இடமும் பெற்றுள்ள BSNLEU சங்கம், ஜார்கண்ட் மற்றும்
Northern Telecom. Region ஆகிய இரண்டு மாநிலங்களில் மூன்றாமிடத்தையும், BSNL தலைமையகமான
கார்ப்பரேட் அலுவலகத்தில் (347-க்கு 19 வாக்குகளை மட்டுமே வாங்கி) நான்காமிடத்தையும்
பெற்றுள்ளது.
அதேபோல, தமிழ் மாநிலத்தில் முதலிடமும், அகில இந்திய அளவில் இரண்டாவது இடமும் பெற்றுள்ள
NFTE சங்கம், கொல்கத்தா தொலைபேசி மற்றும் வடகிழக்கு-I
ஆகிய இரண்டு மாநிலங்களில் மூன்றாமிடத்தையும், கேரளா மாநிலத்தில் (6482-க்கு 373 வாக்குகளை
மட்டுமே வாங்கி) நான்காமிடத்தையும் பெற்றுள்ளது.
கடந்த 2016-ல் நடைபெற்ற 7-வது உறுப்பினர் சரிபார்ப்பு தேர்தலில் 2.96 சதவீத வாக்குகளை
மட்டுமே வாங்கி நான்காமிடத்தைப் பெற்றிருந்த BTEU சங்கம், இந்த தேர்தலில் 4.36 சதவீத
வாக்குகளை வாங்கி, FNTO-வைப் பின்னுக்குத் தள்ளி, மூன்றாமிடத்துக்கு முன்னேறியிருப்பதும்
கவனத்தில் கொள்ளவேண்டிய விஷயமாகும். ஆந்திரா, குஜராத், இமாச்சல், ஹரியானா, மத்தியப்
பிரதேசம், மஹாராஷ்ட்ரா, பஞ்சாப், ராஜஸ்தான், உத்திரப் பிரதேசம், தெலுங்கானா ஆகிய மாநிலங்களில்
BTEU சங்கத்தின் வாக்கு வங்கி உயர்ந்திருப்பதே அதற்குக் காரணமாகும்.
BSNLEU சங்கம் கொடுத்த அழுத்தத்தின் அடிப்படையில், எந்த சங்கமும் வேறெந்த சங்கத்துடனும்
கூட்டணி அமைத்து தேர்தலில் போட்டியிடக் கூடாதென்று நிர்வாகம் உத்தரவிட்டிருந்த போதும்,
NFTE சங்கம் மறைமுகமாக TEPU, SEWA, SNATTA ஆகிய சங்கங்களுடன் மெகா கூட்டணி அமைத்து
இந்தத் தேர்தலைச் சந்தித்தது ஊரறிந்த ரகசியம். எந்தக் கூட்டணியும் இல்லாமல் FNTO தனித்தே
தேர்தலை எதிர்கொண்டது. FNTO தனித்து நிற்பதைப்
பலவீனமாகப் பிரச்சாரம் செய்த இரண்டு சங்கத்தினரும், FNTO உறுப்பினர்களைத் தங்களது இலக்காக்கிக்
கொண்டு இல்லந்தோறும் சென்று பல்முனைத் தாக்குதல்களில் ஈடுபட்டு, ஜெயிக்கும் சங்கத்துக்கு
வாக்களியுங்கள் என்று FNTO உறுப்பினர்களை வற்புறுத்தியும் மிரட்டியும் அவர்களது வாக்குகளைக்
கவரக் கடும் பிரயத்தனம் செய்தனர். இவற்றையெல்லாம் புறந்தள்ளி, இந்தத் தேர்தலில் FNTO
ஒன்றுமில்லாமல் போய்விடும், இரண்டு சதவீத வாக்குகளைக்கூட வாங்காது என்ற பலரது கனவுகளையும்/ஆரூடங்களையும்
பொய்யாக்கி, 3.86 சதவீத வாக்குகளைப் பெற்று FNTO நான்காமிடத்தைப் பெற்றுள்ளதானது -
தேசியச் சங்கத்தின் மீது நம் தோழர்களுக்கு இருக்கும் உறுதியான உணர்வின் வெளிப்பாடேயன்றி
வேறில்லை.
மூன்றாண்டுகளுக்கு ஒருமுறை தேர்தல் வரும், போகும். ஆனால், ஐம்பதாண்டு காலப் பாரம்பரியம்
கொண்ட, ஊழியர்களின் முன்னேற்றத்தை மட்டுமே குறிக்கோளாகக் கொண்டு பாடுபட்டு பல்வேறு
சாதனைகள் புரிந்த தேசியச் சங்கம் - தோல்விகளைக் கண்டு துவண்டுவிடாமல், தொழிலாளர்களின்
உரிமைகளுக்காகக் குரல் கொடுப்பதில் தொடர்ந்து முன்னணியில் இருக்கும் என்ற தோழர்களின்
நம்பிக்கை வீண்போகாது.
தேசியச் சங்கத்தின் பிதாமகர் K.R. காட்டிய வழியில் நமது தொழிற்சங்கப் பயணம் தொய்வின்றித்
தொடரும். காலம் வெல்லும்.
பீடு நடை போடுவோம் ! அனைவருக்கும் வீர வாழ்த்துக்கள் !
