Happy New Year - 2020

WISH YOU ALL A HAPPY, HEALTHY, PEACEFUL & PROSPEROUS NEW YEAR 2020
அனைவருக்கும் இனிய ஆங்கிலப் புத்தாண்டு 2020 நல்வாழ்த்துகள்

புதுமாதிரி தீபாவளி 2019

எது மாதிரியும் இல்லாமல், புதுமாதிரியாய் இந்த ஆண்டு தீபாவளி...

முன்பெல்லாம் போனஸ்  வாங்கி தீபாவளி கொண்டாடினோம். கூடுதலாக விழாக்கால கடன் வேறு. கடந்த சில ஆண்டுகளாக போனஸ் இல்லை, இந்த ஆண்டு விழாக்கால கடனும் இல்லை.

முந்தைய காலங்களில் மாதக்கடைசியில் தீபாவளி வந்தால் அந்த மாதச் சம்பளத்தை முன்கூட்டியே வாங்கிய வரலாறும் உண்டு. ஆனால், இந்த ஆண்டு தீபாவளி கொண்டாட போன மாதச் சம்பளத்தை தீபாவளிக்கு முன்னதாக வழங்குமாறு கெஞ்சிக் கூத்தாடி வாங்கியதும் ஒரு வரலாறு ஆனது.

நிரந்தரத் தொழிலாளர்களின் நிலைமையே இதுவென்றால், ஒப்பந்தத் தொழிலாளர்களின் நிலைமையோ அந்தோ பரிதாபம். விட்டேனா பார் என்று வீரவசனம் பேசியவர்கள் எல்லாம் இன்று கூனிக்குறுகி கூழைக்கும்பிடு போடும்  அவல நிலை.

BSNL-க்கு மூடுவிழா என்று தீயாய் பரவிய வதந்திகள், சம்பளம் போடக்கூட பணமில்லை என்ற ஒன்றை பத்தாக்கி  கடன் சுமையில் தத்தளிக்கும் BSNL என்று பீதியை கிளப்பிய ஊடகங்கள், அண்ணன் எப்ப சாவான் திண்ணை எப்ப காலியாகும் என நினைத்து காசு கொடுத்து வதந்தி பரப்பிய சில தனியார் நிறுவனங்கள்.

இந்த சூழ்நிலையில், நாம் ஆவலுடன் எதிர்பார்த்த அந்த அறிவிப்பு வந்தே விட்டது. இந்த ஆண்டு தீபாவளி உண்மையாகவே நமக்கு இனிய தீபாவளி என்றே சொல்ல வேண்டும்.

BSNL நிறுவனமானது இழந்த பொலிவை மீண்டும் பெற்று நீடித்து நிலைத்து நிற்க, மத்திய அரசு எடுத்துள்ள நடவடிக்கை பாராட்டப்பட வேண்டிய ஒன்று. நமது சிந்தனையில்/பார்வையில் மாற்றம் தேவை, தடுமாற்றம் தேவையில்லை. வரவு குறையும் போது செலவும் குறைய வேண்டும் என்பது நியதி. 

BSNL நமது  நிறுவனம், அது ஆரோக்கியமாக இருக்க வேண்டும் என நினைக்கும் அனைவரும் கசப்பு மருந்து சாப்பிட்டே ஆகவேண்டும். இது காலத்தின் கட்டாயம்.

அடுத்த தீபாவளி அனைவருக்கும் - வெளியேறுவோர் உள்ளேயிருப்போர் அனைவருக்கும் - நிச்சயம் இனிய தீபாவளியாக இருக்கும் என நம்புவோம். காலம் வெல்லும்.

தீபாவளி நல்வாழ்த்துகள் - HAPPY DIWALI

மையிருள் மறையட்டும்,

அறியாமையிருள் அகலட்டும்,

BSNL நிறுவனம் நிலைக்கட்டும்,

ஊழியர் வாழ்வு சிறக்கட்டும்.

அனைவருக்கும் இனிய

தீபாவளி நல்வாழ்த்துகள் !

18/10/2019 உண்ணாவிரதம் ஒத்திவைப்பு

செப்டம்பர் மாத ஊதியம் அக்டோபர் மாதம் 23-ம் தேதி வழங்கப்படுமென்று நிர்வாகம் உறுதிமொழி அளித்ததை ஏற்றுக்கொண்டு 18/10/2019 வெள்ளியன்று நடைபெறுவதாக இருந்த  உண்ணாவிரதப் போராட்டம்  மறுதேதி குறிப்பிடாமல் ஒத்திவைக்கப் படுகிறது.

18/10/2019 - AUAB உண்ணாவிரதப் போராட்டம் - FNTO பங்கேற்பு

ஊழியர்களின் ஊதியம் கூட உரிய தேதியில் வழங்கப் படாமல் இழுத்தடிக்கப்படும் இக்கட்டான சூழலில், ஒன்றுபட்ட போராட்டத்தின் அவசர - அவசியம் கருதி, செயல்பாட்டு ஒற்றுமையின் அடிப்படையில் - மத்தியச் சங்க அறைகூவலுக்கிணங்க -  18/10/2019 வெள்ளியன்று நடைபெறும் உண்ணாவிரதப் போராட்டத்தில் FNTO-வும் எழுச்சியோடு பங்கேற்கிறது.